140 yil avval Koreyada zamonaviy tibbiyot shu yerdan boshlangan. Bugun esa bu yerda saratonni og‘ir ionlar bilan davolashmoqda.
KIUT delegatsiyasi Janubiy Koreyadagi Yonsei University Severance Hospital faoliyati bilan tanishdi.
1885-yilda tashkil etilgan Severance Koreyadagi ilk zamonaviy G‘arb uslubidagi shifoxona sifatida mamlakat tibbiyoti tarixida alohida o‘rin tutadi. Bugun bu tarix onkologiya, robotik jarrohlik, precision medicine va ilg‘or tibbiy texnologiyalar bilan davom etmoqda.
Tashrifning eng qiziqarli nuqtalaridan biri — Heavy Ion Therapy Center bo‘ldi. Bu Koreyadagi birinchi uglerod ionlari yordamida radioterapiya markazi. Texnologiya o‘simtaga yuqori aniqlikda ta’sir ko‘rsatib, uning atrofidagi sog‘lom to‘qimalarga tushadigan nurlanishni kamaytirish imkonini beradi.
Severance tibbiyotdagi innovatsiyalarni amaliyotga tatbiq etish bo‘yicha ham katta tajribaga ega: shifoxona tarixida robotik jarrohlikdan tortib zamonaviy onkologik davolashgacha bo‘lgan qator ilg‘or yo‘nalishlar mavjud.
KIUT uchun bu tashrif tibbiy ta’lim, ilm-fan va klinik amaliyot uyg‘unligini yaqindan o‘rganish imkoniyati bo‘ldi.
