KIUT × DHU: K-Beauty — ilm, innovatsiya va global bozor KIUT delegatsiyasi Janubiy Koreyaning Daegu Haany University (DHU) universitetiga tashrif buyurdi.
Delegatsiyani universitet prezidenti va asoschisi Byun Chang Hoon, prorektor Moon Seup Kim, xalqaro aloqalar dekani Song Jichung va universitet vakillari qabul qildi.
DHU kosmetika, beauty va biohealth yo‘nalishlarida ta’lim, ilmiy tadqiqot va ishlab chiqarishni birlashtirgan K-Beauty ekotizimiga ega. Universitetda jarayon tadqiqot → mahsulot yaratish → sinov → ishlab chiqarish → marketing → eksport modeli asosida yo‘lga qo‘yilgan.
Tashrif davomida KIUT delegatsiyasi AI asosidagi teri diagnostikasi, kosmetika laboratoriyalari va R&D markazlari faoliyati bilan tanishdi.
Muzokaralarda KIUT va DHU o‘rtasida beauty aesthetics, teri, yuz, soch va qo‘l parvarishi mahsulotlari hamda yangi kosmetik vositalarni birgalikda tadqiq qilish va yaratish bo‘yicha hamkorlikni rivojlantirishga kelishildi.
Shuningdek, talabalar va professor-o‘qituvchilar almashinuvi, qo‘shma ilmiy tadqiqotlar va maqolalar, yangi kosmetik mahsulotlarni hammualliflikda yaratish hamda istiqbolda ularni bozorga olib chiqish masalalari muhokama qilindi.
Maqsad — Koreyaning K-Beauty tajribasi va KIUT ilmiy salohiyatini birlashtirib, O‘zbekistonda “research to market” modelini rivojlantirish.
