KIUTda amaliy va kompyuter lingvistikasi bo‘yicha ikki PhD dissertatsiyasi muhokama qilindi
Toshkent Kimyo xalqaro universiteti huzuridagi PhD.03/2026.31.01.Fil.29.05 raqamli Ilmiy kengash qoshidagi Ilmiy seminarda zamonaviy tilshunoslikning ikki dolzarb yo‘nalishiga bag‘ishlangan dissertatsiyalar muhokamadan o‘tkazildi.
Abdurayimova Durdona Samat qizi ijtimoiy tarmoqlardagi yozishmalarda o‘zbek tilidan foydalanishning yoshga bog‘liq xususiyatlarini tadqiq etdi.
Asqarova Madina Boymurod qizi esa ilmiy matnlarning parallel korpusida lingvistik terminologik bazani yaratish tamoyillarini o‘rgandi.
Har ikki tadqiqot 10.00.11 — “Amaliy va kompyuter lingvistikasi” ixtisosligi bo‘yicha filologiya fanlari doktori (PhD) ilmiy darajasini olish uchun tayyorlangan.
Seminar davomida tadqiqotlarning ilmiy yangiligi, amaliy ahamiyati va metodologik jihatlari mutaxassislar tomonidan tahlil qilinib, dissertantlarga tegishli tavsiyalar berildi.
Tilning raqamli muhitdagi o‘zgarishi va ilmiy terminologiyani tizimlashtirish — bugungi lingvistikaning muhim tadqiqot yo‘nalishlaridan. KIUTdagi mazkur ikki tadqiqot aynan shu masalalarga qaratilgan.
