Toshkent Kimyo xalqaro universiteti Hindistonda xalqaro press-meeting o‘tkazdi
Toshkent Kimyo xalqaro universiteti rektori, professor Akmal Allakuliyev boshchiligidagi delegatsiyaning Hindistonga tashrifi doirasida Hyderabad shahrida xalqaro press-meeting bo‘lib o‘tdi.
Tadbirda Hindistonning 20 dan ortiq telekanallari, yetakchi axborot agentliklari va ommaviy axborot vositalari vakillari ishtirok etdi. Press-meeting davomida Toshkent Kimyo xalqaro universitetining tibbiyot yo‘nalishidagi ta'lim imkoniyatlari, xalqaro talabalar uchun yaratilgan sharoitlar hamda GSL Medical College va NEO Institute of Medical Sciences and Technology bilan yo‘lga qo‘yilgan hamkorlik keng jamoatchilikka taqdim etildi.
Toshkent Kimyo xalqaro universiteti rektori professor Akmal Allakuliyev boshchiligidagi delegatsiyaning Hindistonga tashrifi doirasida Hyderabad shahrida keng qamrovli press-meeting tashkil etildi.
Mazkur press-meeting Toshkent Kimyo xalqaro universiteti, GSL Medical College hamda NEO Institute of Medical Sciences and Technology o‘rtasida yo‘lga qo‘yilgan hamkorlikni keng jamoatchilikka tanishtirish, shuningdek, xalqaro tibbiy ta’lim sohasidagi yangi imkoniyatlar haqida ma’lumot berish maqsadida o‘tkazildi.
Tadbirda Hindistonning 20 dan ortiq telekanallari, rasmiy axborot agentliklari va ommaviy axborot vositalari vakillari ishtirok etdi. Press-meeting davomida Toshkent Kimyo xalqaro universitetida xalqaro talabalar uchun yaratilgan sharoitlar, tibbiyot ta’limi yo‘nalishidagi akademik imkoniyatlar hamda GSL Medical College va NEO Institute of Medical Sciences and Technology bilan hamkorlikning asosiy afzalliklari haqida batafsil ma’lumot berildi.
GSL Medical College Hindistonning yirik va nufuzli tibbiyot ta’lim muassasalaridan biri bo‘lib, 2500 o‘rinli kasalxonalar tizimi, zamonaviy klinik baza va ilg‘or simulyatsiya markazlariga ega. NEO Institute of Medical Sciences and Technology bilan hamkorlik esa xalqaro talabalarni jalb qilish, qo‘shma ilmiy loyihalarni amalga oshirish va professor-o‘qituvchilar almashinuvini rivojlantirishga xizmat qiladi.
Ushbu press-meeting O‘zbekiston va Hindiston o‘rtasida tibbiy ta’lim, ilm-fan va xalqaro akademik hamkorlikni yanada mustahkamlash yo‘lida muhim qadam bo‘ldi.
