Toshkent Kimyo xalqaro universitetida Italiyaning Turin universiteti (University of Turin — UniTo) va Pyemont hududi vakillaridan iborat delegatsiya bilan uchrashuv bo‘lib o‘tdi
Delegatsiya tarkibida Turin universiteti rektori prof. Cristina Prandi, prorektor prof. David Lembo, Xalqaro aloqalar bo‘limi rahbari Emilia Sannino, shuningdek, Pyemont hududining sog‘liqni saqlash sohasi vakillari ishtirok etdi.
Muzokaralarda KIUT va Turin universiteti o‘rtasida tibbiyot, iqtisodiyot va boshqa yo‘nalishlarda dual va double degree dasturlarini yo‘lga qo‘yish, talabalar va professor-o‘qituvchilar almashinuvini kengaytirish hamda qo‘shma ilmiy tadqiqotlarni amalga oshirish masalalari muhokama qilindi.
Tomonlar visiting professor dasturlarini rivojlantirish, jumladan, KIUT professor-o‘qituvchilarining Turin universitetida ma’ruza va akademik mashg‘ulotlar olib borishi bo‘yicha hamkorlik imkoniyatlarini ko‘rib chiqdi.
Pyemont hududi vakillari bilan esa tibbiy ta’lim, sog‘liqni saqlash mutaxassislarini tayyorlash va malakasini oshirish, shuningdek, Italiyaning hududiy sog‘liqni saqlash tizimi tajribasini o‘rganish bo‘yicha fikr almashildi.
Uchrashuv yakunida KIUT, University of Turin va Piedmont Region o‘rtasida ta’lim, ilmiy tadqiqotlar, akademik mobillik va sog‘liqni saqlash yo‘nalishlarida hamkorlikni rivojlantirish bo‘yicha kelishuvlar muhokama qilindi.
