Stomatologiya
Stomatologiya bakalavriat taʼlim yoʻnalishi – taʼlim yoʻnalishi boʻyicha bakalavrlar kasbiy faoliyatining sohalari davlat va nodavlat korxonalar, tashkilotlar, muassasalar, davlat boshqaruv organlarida, sogʻliqni saqlash tizimining muassasalarida stomatologiyani rivojlantirish, kasalliklarni tashxislar va davolashning zamonaviy usullaridan keng foydalangan xolda bemorlarning tibbiy muammolari boʻyicha asosiy vazifalarni hal qilish, stomatologik yordam va dispanser kuzatuv faoliyatining usullari va uslublarining sifatini oshirish (davolash-profilaktik, tibbiy-ijtimoiy) boʻyicha kompleks masalalarni yechish, ilmiy-tadqiqot markazlari, ilmiy-ishlab chiqarish birlashmalarida ilmiy-tadqiqot ishlarida ishtirok etishni oʻz ichiga oladi.
Oʻquv dastur maqsadi
Talabalarga tibbiyotning fundamental, klinikoldi va klinik fanlari hamda elektiv kurslar boʻyicha chuqur nazariy va amaliy bilim hamda koʻnikmalar berish. Stomatolog shifokorni tayyorlash.
Natija
5 yillik oʻquv dasturini oʻzlashtirganlaridan soʻng bitiruvchilar shifokor-stomatolog diplomiga ega boʻladilar. Bitiruvchilar magistratura bosqichida taʼlimni 7 ta mutaxassislik boʻyicha yo‘nalishlardan birida davom ettirishlari mumkin boʻladi.
Bakalavriat davrining oʻquv dasturi:
1-2 kurslarda talabalar tibbiy-biologik fanlar (odam anatomiyasi, tibbiy kimyo, tibbiy biologiya, gistologiya, normal fiziologiya, tibbiyot kasbiga kirish, klinik restavratsion stomatologiya va b.)
3-kursda talabalar klinikoldi va klinik fanlar (patologik anatomiya, patologik fiziologiya, farmakologiya, klinik endodontiya, ogʻiz boʻshligʻi jarrohligi, olinmaydigan tishlar bilan protezlash, ortopedik stomatologiya propedevtikasi va b.)
4-5 kurslarda talabalar mutaxassislik fanlari (ortodontiya, parodontologiya, yuz-jagʻ kasalliklari va jarohatlari, yuz-jagʻ jarrohligi va b. )dan tahsil oladilar.
Stomatologiya ishi taʼlim yoʻnalishi boʻyicha bakalavr kasbiy tayyorgarlikdan keyin:
5A510401 – Terapevtik stomatologiya
5A510401 – Ortopedik stomatologiya
54510401 – Xirurgik jarrohlik stomatologiyasi
5A510401 – Yuz-jagʻ jarrohligi
5A510401 – Ortodontiya
54510401 – Bolalar jarrohlik stomatologiyasi
5A510401 – Bolalar terapevtik stomatologiyasi mutaxassisliklari boʻyicha magistratura va klinik ordinaturada ikki yildan kam boʻlmagan muddatda oʻqishni davom ettirish mumkin.
Shuningdek, oʻrnatilgan tartibda mustaqil tadqiqotchi sifatida ilmiy tadqiqot olib borish mumkin.
Kirish talablari
Toshkent Kimyo xalqaro universitetida quyidagi talablarni bajargan holda o’qishni boshlashingiz mumkin bo’ladi.
Avval admission.kiut.uz saytida ro'yxatdan o'tishingiz kerak bo’ladi.
Qabul uchun zarur hujjatlar:
- Pasport nusxasi (rangli)
- Litsey/kollej/litseydan diplom/ma’lumotnoma nusxasi (rangli)
- Oxirgi 3 oy ichida olingan elektron fotosurat - 3,5 sm × 4,5 sm
- Yuqorida sanab o‘tilgan barcha zarur hujjatlar elektron (skanerlangan) ko‘rinishda admission.kiut.uz saytiga yuklanishi kerak (har bir hujjat JPEG yoki PNG formatida hajmi 2 MB dan, oshmasligi kerak).
Chet tilini bilish sertifikati IELTS/TOEFL faqat ingliz tili guruhida tahsil olishingiz uchun kerak bo’ladi.
Kirish imtihon fanlari - Biologiya, ximiya va ona tili va adabiyoti.
