Bugungi kunda fizika fanining jamiyat kelajagi uchun ahamiyati kattaligi mutlaqo aniq. Uning ahamiyati biz hayotimizning har bir jabhasida texnologiyaga qanchalik bog’lanib qolganimiz bilan osongina ifodalanadi. Biz yashayotgan dunyoni oxirgi 250 yil ichida butunlay o'zgartirib yuborgan va doimiy ravishda o'zgartirib kelayotgan ko'plab texnologiyalarni bevosita fizikadagi muhim kashfiyotlar bilan bog’lash mumkin.
Siz muhandis, o'qituvchi, oshpaz yoki boshqa soha mutaxassisi bo’lishingiz mumkin va ish davomida muammolar paydo bo'lishi aniq. Bu muammolarni yechish uchun eng optimal yo’l bu kritik fikrlashdir. Fizika sizga muammoni qanday hal qilishni va harakatlarni minimallashtirishni o’rgatadi. Bundan tashqari, fizika bizga atrofdagi dunyoni tushunishga va bolalikdagi “Nega osmon ko'k? Nima uchun okeanda to'lqinlar bor? Nima uchun kamalaklar paydo bo'ladi?” kabi savollarga javob berishga yordam beradi. Fizika bizga tizimli fikrlash usulini, shuningdek, biz ishonadigan narsalar qanday ishlashini yana bir bor tushunishimizga imkon beradigan nazariyalarni o'rgatadi.
KIUTning Fizika kafedrasi 2021 yilda tashkil qilingan bo’lib, kafedrada o'quv ishlari va fundamental fizikadan tadqiqotlar ham olib boriladi. Kafedra tomonidan o’qitiladigan fanlar zamonaviy fizikani qamrab olishga mo'ljallangan bo'lib, talabalarga ko'proq bilimga ega bo'lishda va o'z qiziqishlarini amalga oshirishda yordam beradi.
Kafedrada bakalavriat talabalari uchun Physics I & II, Mechanics I & II, Thermodynamics, Electricity and Magnetism, Teaching Concepts of Physics, Learning Physics kabi fanlarning ma'ruzalari va amaliyoti o'qitiladi.
Kafedraning ichki raqami: ( - )
J. Koreyaning Kyungpook Milliy Universitetida yuqori energiyalar fizikasi bo’yicha PhD himoya qilgan. 2022 yildan ”Fizika” kafedrasida dotsent vazifasini bajaruvchi lavozimida ishlab kelmoqda. Ilmiy faoliyati: Grafenlarda to'lqin paket tarqalishlarini sonli yechish masalalari.
