Talabalar uyushmasi

Talabalar klublari

Universitetda talabalarni intellektual rivojlanishi uchun turli yoʻnalishlar boʻyicha 10 dan ortiq talabalar klublari mavjud. Jumladan, fan va tadqiqot, ijodiy va koʻngilochar klublar, xayriya, madaniy, teatr va sport klublari mavjud.

Talabalar toʻgaraklari talabalarga oʻz gʻoyalarini amalga oshirish va ularni hayotga tatbiq etish uchun sharoit yaratadi.

Talabalar toʻgaraklarida qatnashish koʻplab afzalliklarni beradi: yangi doʻstlar orttirish, yangi koʻnikmalarni rivojlantirish, jamoada ishlash, maqsadlar qoʻyish va ularga erishish qobiliyati, ijodkorlikni rivojlantirish, shuningdek, doʻstlar davrasida mazmunli vaqt oʻtkazish ham shular jumlasidan.

Klub nomlari: “Zakovat” intellektual klubi, “English speaking club”, “Quiz on Korea”, “Muhandis-D”, “IELTS club”, “Qalb-nuri” xayriya jamiyati, “Notiqlik”, “Dance” va “Toʻgʻri ovqatlanish” klublari.

Hurmatli talabalar! Universitetimizning “Koreys filologiyasi” yoʻnalishi dekanati va kafedrasi tomonidan quyidagi toʻgaraklar tashkil qilinmoqda:
 

Raqs toʻgaragi - har dushanba soat 15:00da 108 xonada (A-blok). 
Ustoz - Jung Sun Ae

Koreys adabiyoti toʻgaragi (sheʼriyat boʻyicha) - har chorshanba 9:30 - 10:30
Ustoz - Min Jae Wong

Kitob mutolaasi toʻgaragi - har shanba 10:30 - 12:00 (A 407)
Ustoz - Lee Eun Jung

Qoʻlyozma yozish toʻgaragi - har hafta onlayn topshiriqlar qabul qilinadi va individual koʻrsatmlar beriladi. 
Ustoz - Kim Hyun Dok

Xitoy belgilari toʻgaragi - har chorshanba 16:00 - 17:30 
Ustoz - Lim Byeong Nyeo

Taekvondo toʻgaragi - har juma 16:00
Ustoz - Lho Tae Gun

P.S.: Joylar soni cheklanganligi sababli koreys adabiyotiga qiziqqan va koreys tilini tushunish darajasiga ega, dasturda astoydil ishtirok etish istagi borlar ariza topshirishingizni soʻraymiz. Ayrim toʻgaraklarning xonasini aniqlashtirish, qoʻshimcha maʼlumot va ariza berish uchun 316-xonaga (A-blok) murojaat qiling.

KIUT tibbiyot markaziga xush kelibsiz!

Markazimiz talabalar, professor-oʻqituvchilar va xodimlarga birinchi tibbiy yordam koʻrsatib, talabalarning salomatligini mustahkamlashga xizmat qiladi.
Toshkent Kimyo xalqaro universitetining “A” binosidagi ikkinchi qavatida va “B” binosining birinchi qavatida doimiy tibbiy yordam markazlari faoliyat yuritadi.
Hozirda malakali shifokor va hamshira talabalarga tez tibbiy yordam koʻrsatib kelmoqda.
Biz sogʻlom boʻlish shaxsiy muvaffaqiyatning kaliti ekanligini tushunamiz va birinchi yordam koʻrsatish uchun qulay muhit yaratishga intilamiz.
Tibbiy xizmatlarimizga qoʻshimcha ravishda, talabalar oʻrtasida salomatlik va sogʻlom turmush tarzini targʻib qilish uchun seminar va treninglar tashkil qilib turamiz. 
Doimiy ravishda eng yuqori sifatli yordam koʻrsatish va kampusda salomatlik madaniyatini yuksaltirishga intilamiz.

Jismoniy tarbiya va sport

Toshkent Kimyo xalqaro universiteti “VOSIQ International School and Kindergarten” maktabi hududida joylashgan sport maydonchalaridan foydalanadi. Hozirda talablarimiz basketbol, volleybol va futbol boʻyicha turli musobaqalarda qatnashib, yaxshi koʻrsatkichlar koʻrsatib kelishmoqda. Undan tashqari, shaxmat boʻyicha Rektor kubogi oʻyinlari ham muntazam ravishda tashkil qilinadi. Har yilning bahor oyida “Parus” koʻngilochar maskani bilan hamkorlikda Bowling boʻyicha musobaqalar ham tashkil qilinadi.

Grantlar, moliyaviy koʻmak

• Motivatsion xat;
• Oʻquv yili davomida barcha fanlar boʻyicha imtihonlardan muvaffaqiyatli oʻtishi/yuqori koʻrsatkichga ega boʻlishi;
• Oʻquv semestri yakuni boʻyicha fanlardan faqat “aʼlo” baho boʻlishi;
• Belgilangan oʻquv mashgʻulotlarida doimiy ravishda faol ishtirok etgan holda kamida 2 nafar professor — oʻqituvchining tavsiyanomasiga ega boʻlishi;
• Mutaxassisligi yoʻnalishi boʻyicha xalqaro va respublika miqyosida ilmiy — amaliy konferensiyalar hamda turli darajadagi tanlovlarda faol qatnashishi va 1-2-3 oʻrinlarni qoʻlga kiritishi;
• Institut ijtimoiy hayotida boʻlib oʻtadigan turli tadbirlarda faol ishtirok etishi;
• Davlat tili bilan bir qatorda, kamida bitta xorijiy tilni bilish darajasini tasdiqlovchi sertifikatga ega boʻlishi (koreys tili – TOPIK – 4, yoki ingliz tili – IELTS – 6.0);
• Nomzodning shaxsiy xususiyatlari, odobi hamda boshqa afzalliklariga baho beriladi;

3- va 4-bosqich talabalarining taʼlim granti nomzodligida oʻquv yili davomida chop etilgan mahalliy va xorijiy jurnallardagi ilmiy maqolalarga ega boʻlishiga alohida eʼtibor beriladi (shuningdek, qoʻlyozma Scimago tizimida indekslangan jurnalida chop etilsa ustuvorlik beriladi).