Kafedralar

TIBBIY BIOLOGIK FАNLАR KАFEDRАSI 

Bugungi kunda jamiyat taraqqiyotida ilm-fan kashfiyotlari, shu jumladan tibbiy-biologik fanlarda yangi biotibbiy texnologiyalar va tadqiqotlarda erishilgan yutuqlar tibbiyotning fan va faoliyat shakli sifatidagi qiyofasini tubdan oʼzgarmoqda. 

Tibbiy bilimlar va tibbiy faoliyatning maqsadi - inson hayotini saqlab qolish hamda sogʼlom boʼlishga koʼmaklashishdir. Shifokor mahorati uning kasallik etiologiyasi va patogenezini nechogʼli yaxshi oʼzlashtirgani, tashxis qoʼyish va davolash metodlarining samaradorligi bilangina emas, bemor bilan muloqotga kirisha olish, unga maslahat berish, bemorning shifo topishiga boʼlgan umidini soʼndirmaslik, unga yangi umid bera olish mahorati bilan ham oʼlchanadi. Inson toʼgʼrisidagi fan tibbiy-biologik fan yoʼnalishlari bilangina cheklanib qolmasdan, ijtimoiy-gumanitar bilimlar hamda maʼnaviy yuksaklikni ham nazarda tutadi, shuning uchun shifokorning axloqi bilan bogʼliq masala tibbiy faoliyatning ajralmas qismidir. 

Insoniyat taraqqiyotida salomatlik masalasining globalizatsiyasi, boshqa tomondan biotibbiy tadqiqotlardagi muvaffaqiyatlar bugungi kunda tibbiyotning fan va faoliyat shakli sifatidagi qiyofasini tubdan oʼzgartirdi, uning tarkibidagi qadriyatlar tizimiga yanada koʼproq urgʼu berila boshlandi. Bugungi kun shifokori bola tugʼilishi, inson hayoti va oʼlimi, inson xulq-atvoriga taʼsir koʼrsata oladigan vositalarga ega shaxsdir. Shifokorning xatti-harakatlari demografiya, iqtisod, huquq va maʼnaviyatga taʼsir eta oladi. Zamonaviy meditsinaning axloqiy talablari kundan kun koʼproq ahamiyat kasb etib bormoqda. Tibbiyot xodimining professional kompetentligini shakllantirish oʼz ichiga tibbiy bilimlarni oshirishga hamda maxsus bilim va koʼnikmalarni egallashga jadal harakat qilish (tibbiy xizmat sifati olingan taʼlim va bilimdan ortiq boʼla olmaydi) nazarda tutadi. 

Kafedraning maqsadi – “General medicine” va “Dentistry” yoʼnalishlarida tahsil olayotgan talabalarga tibbiyotning poydevori hisoblangan fundamental fanlar boʼyicha zamonaviy va innovatsion yondoshuvlarni qoʼllagan holda taʼlim jarayonini tashkil etish. Shu bilan birga, kafedra professor oʼqituvchilari tomonidan oʼtkaziladigan har bir maʼruza va amaliy mashgʼulotlarni talab darajasida va ilgʼor pedagogik texnologiyalarni qoʼllash orqali yuqori malakali mutaxassislarni tayyorlash. 

Kafedraning vazifalari: 

• Oʼquv rejalarida belgilangan maʼruza, amaliy mashgʼulot, laboratoriya va boshqa turdagi mashgʼulotlarni nazariy, ilmiy uslubiy va kasbiy darajada oʼtkazish; 
• Talabalarning malakaviy amaliyoti, loyihalar, ilmiy tadqiqot ishlariga rahbarlik qilish, talabalar bilimini baholashning reyting nazoratini joriy etish va mustaqil ishlarni tashkil etish; 
• Kafedra fanlari boʼyicha sillabuslarni ishlab chiqish va belgilangan tartibda oʼquv jarayoniga joriy qilish.
• Taʼlim jarayoni sifatini oshirish maqsadida darslik, oʼquv qoʼllanma, uslubiy va metodik koʼrmatmalarni tayyorlash;
• Kafedrada ilmiy tadqiqot ishlarini olib borish va iqtidorli talabalarni jalb etish, hamda olimpiada va tanlovlarda ishtirok etishini faollashtirish; 
• Professor-oʼqituvchilarning Respublika va xalqaro ilmiy anjumanlarda ishtirok etishini taʼminlash; 
• Taʼlim, davolash va ilmiy faoliyat boʼyicha Respublika muassasalari bilan aloqalarni rivojlantirish.