“Turizm” kafedrasining asosiy maqsadi - bugungi kunda talab yuqori bo`lgan Turizm va mehmondo`stlik sohasida yuqori saviyaga ega bo`lgan, xalqaro standartlar bo`yicha chuqur bilim, ko`nikma va malakalarni egallagan bakalavr mutaxassislarini tayyorlashdir.
Shuningdek, kafedramiz turizm va mehmondo`stlik sohasidagi yangi tendensiyalar bo`yicha ilmiy tadqiqotlar olib borish, sohadagi yangiliklar, xususan, mehmonxonalar va boshqa servis sohalarida talab va taklif, marketing, menejment, barqaror rivojlanish sohalarini o`rganish va o`rgatish bilan shug`ullanadi.
“Turizm” yo`nalishi ta`lim dasturi O`zbekistonda talab yuqori bo`lgan sohalardan hisoblanadi va buni har yili o`qish maqsadida hujjat topshiradigan abiturientlar sonidan ham bilish mumkin.
Shuningdek, O`zbekiston Respublikasi Prezidentining 2022-yil 15-yanvardagi PF-52-son Farmoni (Turizm, madaniyat, madaniy meros va sport sohalarini yanada rivojlantirish uchun qo‘shimcha sharoitlar yaratish to‘g‘risida) ham bu sohaga hali ko`plab kadrlar kerakligini anglatadi.
Xalqaro talablarga javob beradigan kadrlar tayyorlash maqsadida ta`lim 3 ta tilda – o`zbek, rus va ingliz tillarida amalga oshiriladi.
“Turizm” yo`nalishi bitiruvchilari kasbiy faoliyatining asosiy obyekti – turizm va mehmondo`stlik sanoatidagi proyektlarni boshqarish, menejment va marketing hisoblanadi.
“Turizm” yo`nalishi bitiruvchilari kasbiy faoliyatining predmeti – sohadagi servis tashkilotlarining rivojlanishini ta`minlash va boshqarishdir.
Kafedraning ichki raqami: ( 152 )
2021 yildan Toshkent Kimyo xalqaro universiteti "Turizm"kafedrasida katta o‘qituvchisi. Ilmiy faoliyat sohalari: Mehmondo'stlik biznesini tushunish, tadbirlarni boshqarish, mehmonxona boshqaruvi, turizm va mehmondo'stlik bo'yicha amaliy tadqiqotlar, ishbilarmonlik aloqasi.
