“Xalqaro iqtisodiyot” kafedrasi Toshkent Kimyo Xalqaro Universitetining asosiy o‘quv va ilmiy tarkibiy bo‘linmasi bo‘lib, u yuqori malakali mutaxassislarni tayyorlashga hissa qo‘shishga mo‘ljallangan.
Kafedraning missiyasi- innovatsion ta’lim texnologiyalari asosida yuqori sifatli va uzluksiz ta’limni ta’minlash, xalqaro iqtisodiy aloqalar sohasidagi mutaxassislarning o‘quv jarayonlari, ta’lim, ilmiy va ijtimoiy faoliyatini integratsiyalashuvidan iborat. Yuqoridagilarga muvofiq kafedrada o‘qitiladigan fanlar xalqaro iqtisodiyot muammolarini o‘rganishning ham nazariy, ham amaliy jihatlarini o‘z ichiga oladi.
Kafedraning asosiy vazifasi ta’lim standartlariga muvofiq chuqur nazariy va amaliy bilim va malakalarga ega bo‘lgan yuqori professional mutaxassislarni tayyorlash bo‘yicha o‘quv, o‘quv-uslubiy va ilmiy ishlarni sifatli tashkil etish va amalga oshirish; kafedra profili bo‘yicha ilmiy tadqiqotlar olib borish, ilmiy-pedagogik kadrlarni tayyorlash va qayta tayyorlash, ularning malakasini oshirish.
Kafedrada barcha ta’lim yo’nalishlari: “Xalqaro iqtisodiy munosabatlar”, “Biznes menejmenti”, “Xalqaro marketing”, “Bank ishi”, “Buxgalteriya hisobi”, “Moliya” bo‘yicha bakalavrlar tayyorlash o’quv rejalari asosida bir qator fanlarni barch ta’lim shakllari bo’yicha amalga oshiradi. Kafedra global va raqamli iqtisodiyotning yangi muammolarini hisobga olgan holda umumiy ta’lim va kasbiy fanlarni doimiy ravishda takomillashtirishga o‘z sa’y-harakatlarini yo‘naltiradi.
“Xalqaro iqtisodiyot” kafedrasi katta ilmiy salohiyatga ega, xalqaro iqtisodiyot sohasida malakali mutaxassislarni tayyorlashda dolzarb muammolarni hal etishga qodir bo‘lgan tajribali va yosh o‘qituvchilar, tadqiqotchilardan iborat innovatsion va ijodiy jamoadir.
Kafedraning ichki raqami: ( 120 )
