Universitetning ta'lim xizmatlari bozoridagi faoliyatining strategiyasini ishlab chiqish;
Bakalavr va magistratura yo‘nalishlari bo‘yicha kadrlarni amaliy faoliyatga jalb qilish uchun tayyorlash;
Korxonalarbo'lajak mutaxassislarni ishga tayinlanganda ularga qo'yiladigan talablarni bajarish bo'yicha ko'rsatmalar;
Reklama ma'lumotlarini rejalashtirishni ta'minlash;
Bitiruvchilarni taqsimlash va ishga joylashtirishga tayyorgarlik.
Bo'limning vazifalari:
Ta’lim xizmatlarini ko‘rsatishga yo‘naltirilgan bakalavr va magistratura yo‘nalishlari bitiruvchilarining sifat darajasini o‘rganish, ularning ish beruvchilar talablariga muvofiqligini aniqlash.
Bitiruvchilar to‘g‘risidagi ma’lumotlar bazasini yaratish (turli ta’lim yo‘nalishlari bo’yicha mutaxassisliklari hamda davlat granti, to`lov shartnoma (kontrakt) asosida kunduzgi va sirtqi ta’lim bo‘yicha ism-shariflar ko‘rsatilgan holda).
Respublika va viloyatlarning iqtisodiy, ijtimoiy tarmoqlarini rivojlantirish istiqbollarini hisobga olgan holda ta’limning yangi yo‘nalishlari hamda mutaxassisliklarini ochish bo‘yicha tavsiyalar berish.
Talabalarni qabul qilish koeffitsiyentlarini aniqlash maqsadida joriy ta’lim yo‘nalishlari va mutaxassisliklari bo‘yicha ish beruvchilar (korxona va tashkilotlar)ning talablarini inobatga olgan holda, davlat grantlari va to‘lov shartnomalari bo‘yicha joriy, istiqbolli “mijozlar portfeli”ni shakllantirish.
Bitiruvchilarni taqsimlash va ishga joylashtirish uchun zarur hujjatlarni (diplomdan ko‘chirma, ishga yo‘llanma, ma’muriy komissiya qarori, alohida (individual) taqsimlash varaqasi) tayyorlash, rasmiylashtirish hamda ularni bitiruvchilarga topshirish.
Yosh mutaxassislarning arizalarini ko'rib chiqish va kerak bo'lganda, qaytadan taqsimlash yoki o'z-o'zini ish bilan ta'minlash bo`yicha institut komissiyasiga murojaat qilish.
Joriy va o‘tgan yillarda ishga qabul qilingan yosh mutaxassislar bilan munosabatlarni yo‘lga qo‘yish, uslubiy yordam ko‘rsatish, maslahatlar berish va bajarilgan ishlarini sarhisob qilish.
Talabalarning ish va amaliyot o‘tash joylarini hamda sifatini aniqlash maqsadida korxonalar, tashkilotlar, xususiy uy xo‘jaliklari bilan munosabatlar o‘rnatish hamda shartnomalar tuzish;
Ish beruvchilarning ta’lim sifatini oshirish bo‘yicha takliflari va bitiruvchilar haqidagi fikrlari (yosh mutaxassisning mulohazalari, kamchiliklari, rad etish sabablari) asosida amaldagi ta’lim tizimiga o‘zgartirishlar kiritish bo‘yicha tavsiyalar tayyorlash.
Bitiruvchilarni bakalavr va magistratura yo‘nalishlari bo‘yicha ishga taqsimlash va talabalarning malakasini oshirish uchun universitetning tegishli bo‘limlari (ilmiy-uslubiy bo‘limlar, ilmiy, o‘quv-uslubiy bo‘limlar, ta’lim yo‘nalishlari, kafedralar va boshqalar) bilan aloqalarni yo‘lga qo‘yish, mutaxassisligi, amalga oshirilayotgan faoliyati samaradorligini tahlil qilish va baholashda ishtirok etish;
Umumiy marketing siyosatini amalga oshirishda barcha manfaatdor bo'limlarning faoliyatini muvofiqlashtirish.
Ommaviy axborot vositalarida (gazeta, jurnal, radio, televideniya, elektron aloqa vositalari, websaytlar)da bitiruvchilar toʻgʻrisidagi maʼlumotlarni eʼlon qilinishini taʼminlash, universitet veb-saytiga joylashtirish, maʼlumotlarni chop etish va ish beruvchilarga tarqatish, reklama tayyorlashda ishtirok etish, reklama modullarining qoralama versiyalarini, videosenariylar va audio yozuvlar matnlarini tayyorash.
Bakalavr va magistratura bosqichi bitiruvchilarining imkoniyatlari va afzalliklarini namoyon etish maqsadida respublika, hududiy va xalqaro ko‘rgazmalar, yarmarkalarda ishtirok etishlarini ta’minlash; vizual ko'rgazmalar tashkil etish.
