Toshkent Kimyo Xalqaro universitetida Oliy ta’limdan keying ta’lim shakllaridan biri-mustaqil izlanuvchilikka hujjat topshirmoqchi bo’lgan talabgorlar diqqatiga!

Oʼzbekiston Respublikasi Vazirlar Mahkamasining 2017 yil 22 maydagi 304-son qaroriga muvofiq, 2023 yil 4-chorak uchun mustaqil izlanuvchilikka hujjatlar topshirish boshlandi. Hujjatlar joriy yilning 15 iyuldan 15 avgustga qadar qabul qilinadi.

Mustaqil izlanuvchilik – falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajalariga daʼvogar izlanuvchilar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi boʼyicha oliy taʼlimdan keyingi taʼlim shakli.

Hujjat topshirish vaqtida tugʼiladigan savollarga +998781294040 (121) telefon raqami orqali javob olish mumkin.

Toshkent Kimyo xalqaro universitetiga mustaqil izlanuvchilikka (PhD) kirish uchun talabgorlar tomonidan taqdim etiladigan xujjatlar roʼyxati:

1.    Universitet rektori nomiga ariza;
2.    Qisqacha biografik maʼlumotnoma / Obʼektivka (elektron varianti bilan);
3.    Pasport nusxasi (JPG formatida elektron varianti bilan) va 4 ta (3,5x4,5) rasm;
4.    Oliy taʼlim muassasasi bakalavr va magistratura diplomlari nusxasi (ilovalari bilan);
5.    Ilmiy rahbarning rozilik xati (xatda rahbarning to‘liq FIShi himoya qilgan ixtisoslik shifri va nomi, talabgor dissertatsiya ishining mavzusi va ixtisoslik shifri ko‘rsatilishi, imzo muxr bilan tasdiqlangan bo‘lishi kerak);
6.    Nashr etilgan ilmiy ishlar ro‘yxati, shuningdek ularning nusxalari talabgorlarga tanlangan disertatsiya mavzusi bo‘yicha kamida 1 ta ilmiy maqola va 2 tezis bo‘lishi hamda ilmiy ishlar ro‘yxati ilmiy kotib tomonidan imzolanishi va muxr bilan tasdiqlanishi lozim);
7.    Mehnat daftarchasining belgilangan tartibda tasdiqlangan nusxasi;
8.    Ish joyidan tavsifnoma;
9.    Fayl papka.

Shuningdek, quyidagi xujjatlar mavjud bo‘lsa taqdim qilinishi maqsadga muvofiq hisoblanadi:
-    Muayyan ilmiy yutuqlarni tasdiqlovchi hujjatlar nusxalari (ixtiro uchun patentlar va mualliflik guvohnomalari)

Hujjatlarni topshirish muddatlari:
1-chorak: 15 sentyabrdan 15 oktabrgacha 
2-chorak: 15 yanvardan 15 fevralgacha
3-chorak: 15 apreldan 15 maygacha
4 chorak: 15 iyuldan 15 avgustgacha