Toshkent Kimyo xalqaro universitetida oliy taʼlimdan keyin taʼlim shakllaridan biri-mustaqil izlanuvchilikka hujjat topshirmoqchi boʻlgan talabgorlar diqqatiga

Oʻzbekiston Respublikasi Vazirlar Mahkamasining 2017 yil 22 maydagi 304-son qaroriga muvofiq 2023 yil 2-chorak uchun mustaqil izlanuvchilikka hujjatlar topshirish boshlandi. Hujjatlar joriy yilning 15 yanvardan 15 fevralga qadar qabul qilinadi.
Mustaqil izlanuvchilik – falsafa doktori (Doctor of Philosophy — PhD) yoki fan doktori (Doctor of Science — DSc) ilmiy darajalariga daʼvogar izlanuvchilar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi boʻyicha oliy taʼlimdan keyingi taʼlim shakli.
Hujjat topshirish vaqtida tugʻiladigan savollarga +998781294040 (121) telefon raqami orqali javob olish mumkin.
Toshkent Kimyo xalqaro universitetiga mustaqil izlanuvchilikka (PhD) kirish uchun talabgorlar tomonidan taqdim etiladigan hujjatlar roʻyxati
1. Universitet rektori nomiga ariza;
2. Qisqacha biografik maʼlumotnoma / Obyektivka (elektron varianti bilan);
3. Pasport nusxasi (JPG formatida elektron varianti bilan) va 4 ta (3,5x4,5) rasm;
4. Oliy taʼlim muassasasi bakalavr va magistratura diplomlari nusxasi (ilovalari bilan);
5. Ilmiy rahbarning rozilik xati (xatda rahbarning toʻliq FIShi, himoya qilgan ixtisoslik shifri va nomi, talabgor dissertatsiya ishining mavzusi va ixtisoslik shifri koʻrsatilishi, imzo muhr bilan tasdiqlangan boʻlishi kerak);
6. Nashr etilgan ilmiy ishlar roʻyxati, shuningdek ularning nusxalari talabgorlarga tanlangan dissertatsiya mavzusi boʻyicha kamida 1 ta ilmiy maqola va 2 tezis boʻlishi hamda ilmiy ishlar roʻyxati ilmiy kotib tomonidan imzolanishi va muhr bilan tasdiqlanishi lozim;
7. Mehnat daftarchasining belgilangan tartibda tasdiqlangan nusxasi;
8. Ish joyidan tavsifnoma;
9. Fayl papka.
Shuningdek, quyidagi hujjatlar mavjud boʻlsa, taqdim qilinishi maqsadga muvofiq hisoblanadi:
- Muayyan ilmiy yutuqlarni tasdiqlovchi hujjatlar nusxalari (ixtiro uchun patentlar va mualliflik guvohnomalari)
Hujjatlarni topshirish muddatlari:
1-chorak: 15 sentyabrdan 15 oktyabrgacha
2-chorak: 15 yanvardan 15 fevralgacha
3-chorak: 15 apreldan 15 maygacha
4 chorak: 15 iyuldan 15 avgustgacha