Koreya ta’lim markazi va O‘zbekiston OTMlari o‘rtasida 4-hamkorlik kengashi o‘tkazildi
Koreya ta’lim markazi va O‘zbekiston OTMlari o‘rtasida 4-hamkorlik kengashi o‘tkazildi
Toshkent Koreya ta’lim markazida Koreya ta’lim muassasalari va O‘zbekiston oliy ta’lim tashkilotlari o‘rtasidagi hamkorlikni kuchaytirishga bag‘ishlangan 4-hamkorlik kengashi bo‘lib o‘tdi.
Uchrashuvda koreys tilini o‘qitish sifatini oshirish, ta’lim almashinuvi dasturlarini kengaytirish hamda hududlarda koreys tili o‘qituvchilariga bo‘lgan ehtiyoj masalasi muhokama qilindi.
Tadbirda O‘zbekiston OTMlarining rektor va prorektorlari, koreys tili kafedrasi professorlari hamda Koreya ta’lim markazi rahbariyati ishtirok etdi.
Kengash davomida viloyatlardagi pedagogik universitetlarda koreys tili yo‘nalishlarini ochish, yangi kafedralar tashkil etish va nomzodlarni o‘qituvchi tayyorlash dasturlariga jalb qilish bo‘yicha takliflar bildirildi.
Tomonlar kelgusida hamkorlikni yanada rivojlantirish va koreys tili ta’limini qo‘llab-quvvatlash bo‘yicha kelishib oldilar.
