"31-may – Chekishga qarshi kurashish kuniga bag‘ishlangan davra suhbati" (O‘zbekiston Ekologik partiyasi va Toshkent Kimyo xalqaro universiteti hamkorligida)
Bugun Oʻzbekiston Ekologik partiyasi Markaziy Kengashi Ijroiya qoʻmitasi, Toshkent Kimyo xalqaro universiteti bilan hamkorlikda talabalar ishtirokida “31-may — Xalqaro chekishga qarshi kurashish kuni” hamda “Xalqaro chekishdan voz kechish kuni”ga bagʻishlangan davra suhbati boʻlib oʻtdi.
Tadbirda Salomatlik va strategik rivojlanish instituti bosh mutaxassisi, Sogʻliqni saqlash vazirligining tamakiga qarshi kurash boʻyicha konsultanti Shukurov Shuxrat, Oʻzbekiston Ekologik partiyasi Toshkent shahar Kengashi raisi oʻrinbosari, Xalq deputatlari Olmazor tuman deputati Umarxodjaeva Shaxnoza Maqsudovna, Oʻzbekiston Ekologik partiyasi Partiya strategiyasi va dasturiy hujjatlarini joriy etish va targʻib qilish boʻlim mutaxassisi Hamroyev Nusrat Ixtiyorovichlar “Tamaki chekishning inson organizmiga salbiy taʼsiri” nomli taqdimotlari bilan ishtirok etdilar.
Tadbir yakunida oʻzaro savol javobdan soʻng universitetning 10 nafar eng faol talabalari Oʻzbekiston Ekologik partiyasi tomonidan esdalik sovgʻalari bilan taqdirlandilar.
